!
ഏകദേശം ഇരുപത് ഇരുപത്തി അഞ്ച് വർഷം മുമ്പാണ് ഒരു റമദാൻ കാലം 45 മുതൽ 50 ഡിഗ്രിവരെ കടുത്ത ചൂട് ഉണ്ട്! ഒമാനിലെ സോഹാർ ഏന്ന സ്ഥമാണന്നാണ് ഓർമ്മ!
ഒരു സ്കൂൾ സൈറ്റാണ് നോമ്പുകാരും അല്ലാത്തവരും ഉണ്ട്! അത്രയും ചൂടിൽ പ്രതേകിച്ച് കൺസ്ട്രക്ഷൻ' കമ്പിനിയിൽ പണിയെടുക്കുയും, അവിടെ നോമ്പ് പിടിക്കുകയും ചെയ്യുക എന്നത് അത്ര എളുപ്പമല്ല ! എന്നാൽ ഭക്തരായ പല ആളുകളും ആ കഠിനമായ ചൂടിലും നോമ്പ് പിടിച്ച് കൂളായി ജോലി ചെയ്യുന്നുണ്ട്! അവർ ഈ ചൂട് അറിഞ്ഞില്ല എന്ന മട്ടാണ്!
നോമ്പില്ലാത്ത പലരും ഒളിപ്പിച്ച് വെച്ച വെള്ളം രഹസ്യമായി കുടിക്കുന്നുണ്ട്! വേറെ ഒന്നു കൊണ്ടുമല്ല ഈ ഒളിപ്പിക്കൽ നോമ്പ്കാരനോടുള്ള ഒരു ആദരവാണ്! മുസ്ലിം അല്ലാത്ത ഒരാൾ ആണങ്കിൽ അയാൾക്ക് കുറച്ച് കൂടി ബഹുമാനം കൂടും! മാത്രമല്ല പെരുമഴകാലത്തിൽ സലീം കുമാർ പറയുന്ന ഡയലോഗ് അവിടെ കറങ്ങി നടക്കുന്നുണ്ട്!
" സൗദിയാണ് സ്ഥലം, ശരീയത്ത് ആണ് നിയമം പടച്ചോനേ കാത്തോളണെ! "
നോമ്പ് പിടിച്ച് നട്ടുഉച്ചക്ക് ഓടി നടന്ന് പണിയെടുക്കുന്ന 58കാരനായ അബ്ദു കുഞ്ഞിക്കയോട് ജോർജേട്ടൻ്റെ സംശയം!
"നിങ്ങൾക്ക് ഈ ചൂടിൽ നോമ്പ് എങ്ങനെ സാധിക്കുന്നു ഇക്ക?
അബ്ദു കുഞ്ഞിക്ക കണ്ണ് ഇറുക്കി ചിരിക്കും!
എന്നിട്ട് ആരോട്ന്നില്ലാതെ പറയും !
"ഒരു ചാൺ അകലത്തിൽ സുര്യന് താഴെ വിചാരണ കാത്തു നിൽക്കുന്ന സമയത്ത് 'ഇതൊക്കെ എന്ത് ചൂട്!"
ജോർജേട്ടൻ ഒരു സിഗരറ്റ് എടുത്ത് ഒരു പുകയെടുത്തു!
സൂക്ഷിക്കണെ പഹയ പോലിസ് എങ്ങാൻ കണ്ടാൽ! അബ്ദു കുഞ്ഞിക്ക മുന്നറിപ്പ് സൈറൻ മുഴക്കി!
" ഈ പട്ടികാട്ടിൽ ഏത് പോലീസ് വരാൻ "
ജോർജേട്ടൻ എക്സ്ട്രാ ആത്മവിശ്വാസത്തിൽ!
അബ്ദു കുഞ്ഞിക്കയുടെ നാക്ക് കരിംനാക്ക് ആണന്ന് തോന്നുന്നു ! സ്കൂളിൻ്റെ മുദീറായ അറബി എവിടെ നിന്നോ പെട്ടന്ന് പ്രത്യക്ഷപ്പെട്ടു!
കുതിരാനിൽ നിൽക്കുന്ന ജോർജേട്ടൻ്റെ കൈകളിൽ ഇരുന്ന് സിഗരറ്റ് വിറക്കാൻ തുടങ്ങി! അറബി പുറക് വശത്ത് കൂടി വന്നത് ആരും കണ്ടില്ല എന്നതാണ് വാസ്തവം !
അറബിയുടെ മുഖം ദേഷ്യം കൊണ്ട് വിവർണ്ണമായി!
" നിന്നെ ഞാൻ ശുർത്തയിൽ ഏൽപ്പിക്കുമെന്ന് അറബി! ഭക്ഷണം കഴിക്കുകയാണങ്കിൽ പരാതിപ്പെടുകയില്ലന്നും പുകവലി അത്യാവിശ്യമുള്ള ഒന്നല്ലന്നും നീ റമളാനെ അവഹേളിക്കുകയാണന്നും അറബി പറഞ്ഞു!
ജോർജേട്ടൻ അറബാബ്..... അറബാബ് എന്ന് പറഞ് തപ്പി തടഞു!
മുറി അറബി അറിയുന്ന അബ്ദുകുഞ്ഞിക്ക പെട്ടന്ന് ഇടപെട്ടു! കൺസ്ട്രക്ഷൻ കമ്പനിയിലെ ജോലിയുടെ കാഠ്യന്യവും, ശമ്പള കുറവും ജോലിയുടെ വിഷമവും അബ്ദു കുഞ്ഞിക്ക തപ്പി തടഞ്ഞ് വിവരിച്ചു! ഈ തവണ മാപ്പക്കണം ഇനി വലിക്കില്ലന്ന് ഉറപ്പ് കൊടുത്തു!
ജോർജേട്ടൻ വയറിലും, തൊണ്ടയിൽ തട്ടി ബസിൽ വയറിൽ അടിച്ച് യാചിക്കുന്നത് പോലേ വിശക്കുന്നു എന്ന് ദയനീയമായി ആംഗ്യഭാഷയിൽ കാണിക്കുന്നുണ്ടായിരുന്നു!
ജോർജേട്ടൻ്റെ ഗോഷ്ഠിയാവുമെന്ന് തോന്നുന്നു അറബി മെല്ലെ തണുത്ത പോലേ തോന്നി......
പെട്ടന്നാണ് അറബിയുടെ ചോദ്യം
" ഇൻന്ത മുസ്ലിം ?
അന മുസ്ലിം ! ജോർജ് .......
അറബിയോട് ഉത്തരം പറയാനാകതെ അബ്ദു കുഞ്ഞിക്ക പിന്നെയും തപ്പിതടഞ്ഞു..........
സൗഉം ഫി?
അന ഫി സൗഉം...... ജോർജ് ......അബ്ദു കുഞ്ഞിക്കാക്ക് പിന്നെയും ഉത്തരം മുട്ടി!
അന മാലും...... അറബി പിറുപിറുത്തു
ആർകൊക്കെ നോമ്പ് ഉണ്ടന്നായി അറബി എല്ലാവരും പെട്ടന്ന് നോമ്പ്കാരനായി മാറി!
രവിയേട്ടനും വിളിച്ച് പറയുന്നത് കേട്ടു !
"അന ഫി സൗഉം!"
ജോർജേട്ടൻ മാത്രം കുറ്റവാളിയെ പോലേ നിശബ്ദനായി തല കുനിച്ച് നിന്നു!
തൂക്കുമരത്തിനു മുമ്പിൽ ഹാജരാക്കിയ പ്രതിയെ പോലേ!
അഞ്ച് മിനിറ്റ് മുമ്പ് രണ്ട് ലിറ്റർ വെള്ളം കുടിച്ച റഷീദ് ഉമിനീർ നോമ്പുകാരനെ പോലേ തുപ്പി തെറുപ്പിച്ചു!
അറബി അവിടെ നിന്ന് മെല്ലെ നടന്ന് നീങ്ങി!
കാറ്റും കോളും ഒഴിഞ പ്രതീതി ! ജോർജേട്ടൻ്റെയും, അബ്ദു കുഞ്ഞിക്കയുടെയും മുഖത്ത് മനസമാധാനം!
തൻ്റെ വിശപ്പ് ആവിയായി പോയന്ന് റഷീദ് !
ഞാൻ അൽപ്പം മുമ്പാണ് വെള്ളം കുടിച്ചതെന്നും അറബിയെ പറ്റിച്ചന്നും മൊയ്തു !
സമാധാനം ഒരു പതിനഞ്ച് മിനിറ്റേ നീണ്ട് നിന്നുള്ളു !
അറബിയുടെ വണ്ടി വീണ്ടും വന്നു!
പോലീസ്മായി വരുന്നതെന്ന് മൊയ്തു !
അത് പോലീസ് വണ്ടിയല്ലന്ന് റഷീദ് !
അപ്പോൾ അത് സി ഐ ഡി ആയിരിക്കുമെന്ന് മൊയ്തു !
" ശരീയത്ത് ആണ് നിയമം, സൗദിയാണ് നാട് " എന്ന അശരീരി വീണ്ടും മുഴങ്ങാൻ തുടങ്ങി!
അറബി ഒരു ചെറിയപാർസലുമായി വണ്ടിയിൽ നിന്ന് ഇറങ്ങി!'
ജോർജിന് കൊടുത്തു!
എന്നിട്ട് ഒരു ഉപദേശവും!
രഹസ്യമായി കഴിക്കണം, നിൻ്റെ ചുട്ട് വട്ടത്തിലുള്ളവർ നോമ്പ് കാരാണ് !
എല്ലാവരുടെയും മുഖത്ത് നിരാശ, നഷ്ടപെട്ട വിശപ്പ് വീണ്ടും വന്നിരിക്കുന്നു!
ഇതിനിടയിൽ രവിയേട്ടൻ പരാതിയുമായി അബ്ദു കുഞ്ഞിക്കയുടെ അടുത്ത് എത്തി!
അന ഫി സൗഉം എന്ന് പറഞ്ഞാൽ നോമ്പ് ഇല്ലന്നല്ലെ? അറബിക്ക് ശരിക്ക് അറബി അറിയില്ലന്ന് തോന്നുന്നു!
അബ്ദു കുഞ്ഞിക്ക പൊട്ടി ചിരിച്ചു !
മട്ടൻ ചാപ്പ്സിൻ്റെയും പെറൊട്ടയുടെ മണം അപ്പോൾ റൂമിൽ പരന്ന് തുടങ്ങിയിരുന്നു ഒപ്പം മൊയ്തുവിൻ്റെയും റഷീദിൻ്റെയും "കുടൽ കരിഞ "മണവും...... :
