ഞങ്ങൾ ഒരു ചർച്ചയിൽ ആണ് വിഷയം ഭൂഗോളത്തിൻ്റെ സ്പന്ദനമായ കണക്കും ഇംഗ്ലീഷും തന്നെ.....
ചർച്ച ചെയ്യുന്നവർ വിദ്യാഭ്യാസ വീക്ഷണരരും, പണ്ടിത കേസരികളും ആണന്നു കരുതിയാൽ നിങ്ങൾക്ക് തെറ്റി......
നാലാം ക്ലാസിലേ സമത്, അഞ്ചാം ക്ലാസിലേ നസീർ ,ആറാം ക്ലാസ്സിലേ ബഷീർ, സലാം വിനീതനായ ഞാൻ.......
ഞങ്ങളിൽ ചിലർ എസ് എൻ കെ യുപി സ്കൂളിൽ അഞ്ചാം ക്ലാസ്സ് മുതൽ പഠനം തുടങ്ങിയവർ ആണ് .... ഇവിടെത്തേ അക്കാലത്തേ അദ്ധ്യാപകർ| ഗജപോക്കിരികൾ എന്നു ഞങ്ങൾ വിളിക്കുന്ന സദു മാഷ്, ദാമോദരൻ മാഷ് ,ചാത്തുണി മാഷ് മുതലായവരാണ്........
കൊമ്പൻ മീശയും ഖദർ ഷർട്ട് മിട്ട സദുമാഷ് മിൽട്ടറി സ്കൂളിലിലേ അദ്ധ്യാപകൻ്റെ റോളിലാണ്...... സദുമാഷിൻ്റെ ചൂരലിൻ്റെ രുചിയറിയാത്തവർ ഞങ്ങളുടെ ക്ലാസ്സിൽ പഠിപ്പിസ്റ്റ് സഗീർ മാത്രമാണ്......
ഇംഗ്ലീഷ് അക്ഷരമാലയിലേ കൂട്ടക്ഷരങ്ങൾ ആണ് ഇംഗ്ലീഷ് ഭാഷയയുടെ സ്പന്ദനം എന്നു വിശ്വസിച്ച് രുന്ന പഴയകാല അധ്യാപകനായ സദു മാഷ് ആ ലിപിയിൽ തന്നെയാണ് എഴുതിയിരുന്നതും പഠിപ്പിച്ചിരുന്നതും..... ഒരു ചിത്രകാരനു പോലും പ്രയാസം ഉണ്ടാകുന്ന ലിപി ഒഴുക്കോടെ ബോർഡിൽ എഴുതി വെക്കും.......
ഈ അക്ഷരമാലയാണ് ഞങ്ങളുടെ പ്രശ്നവും എഫ് നു കെട്ടില്ല , പി ക്ക് വാലില്ല എന്നൊക്കെ പറഞ് എല്ലാദിവസവും ഞങ്ങൾ അടി വാങ്ങി കൊണ്ടിരുന്നു....
ഈ അടിയിൽ നിന്നു രക്ഷ നേടാനാണ് ഞങ്ങളുടെ മീറ്റിംഗ്, രണ്ട് ട്രൗസർ ഇടുക, മുണ്ടു ഉടുക്കുക എന്ന പല നിർദ്ദേശങ്ങളും പൊന്തിവന്നു...... രണ്ട് ട്രൗസർ ഇടലും, മുണ്ട് എടുക്കലും കൈയോടെ പാളിപോയി ,മാഷ് അടി ചന്തിയിൽ നിന്നു മാറ്റി തുടയിലേക്ക് മാറ്റി എന്നതാണ് ഫലം..... മുണ്ട് എടുത്ത് വന്ന എനിക്ക് ആകട്ടെ ബോണസ് ആയും അടി കിട്ടി....... അണ്ടർവെയർ മുണ്ട് ഉടുക്കുമ്പോൾ നിർബന്ധമത്രെ..... കലികാലം.......
ഞങ്ങളുടെ ഗവേഷണ നിരീക്ഷണങ്ങളുടെ ഫലമായി വെള്ളിയാഴ്ച്ചയാണ് അടി കൂടുതൽ കിട്ടുന്ന ദിവസം എന്നു തിരിച്ച് അറിഞു...... അന്നേ ദിവസം മാഷ് വരാതിരിക്കാനും, മാഷിനു പനിവരാനും പള്ളിയിലേക്കും, അമ്പലത്തിലേക്കും പത്ത് പൈസ അഞ്ച് പൈസ നേർച്ച നേർന്നു....... പിന്നെയാണ് അറിഞത് അഞ്ച് പൈസ പത്ത് പൈസ തുടങ്ങിയ ചീളു നേർച്ചകൾ ഈ കാര്യത്തിൽ സ്വീകരിക്കില്ലത്രെ സദുമാഷിനു പനി പോയിട്ട് തുമ്മൽ പോലും വന്നില്ല...... ഐസ് വാങ്ങാൻ വെച്ച പത്ത് പൈസ നഷ്ടം......
പെട്ടന്നാണ് ബൾബ് മിന്നിയത്ത് വെള്ളിയാഴ്ച്ച പള്ളിയിൽ പോകാൻ അനുവാദം കിട്ടിയാൽ പതിനൊന്നുമണിക്ക് ക്ലാസ്സിൽ നിന്നു മുങ്ങാം......ഇംഗ്ലിഷ് നോട് സലാം......
പരിപാടി അവതരിപ്പിച്ചപ്പോൾ തന്നെ ഉസ്താദ് ഇടം കോലിട്ടു....... പത്ത് വയസിനു മേലേയുള്ള കുട്ടികൾക്കേ നിസ്ക്കാരം നിർബന്ധമുള്ളു.......
അടുത്ത ദിവസം മാഷിനു മുമ്പിൽ ഉസ്താദിൻ്റെ ലെറ്റർ ഹാജരാക്കപ്പെട്ടു, തൻ്റെ അഞ്ച് കുട്ടികളെ പതിനൊന്നു മണിക്ക് വെള്ളിയാഴ്ച്ച ജുമഅ നമസ്കാരത്തിനു വിടണം..... അഞ്ച് കുട്ടികളിൽ പഠിപ്പിസ്റ്റ് സഗീറിൻ്റെ പേര് ഉണ്ടായിരുന്നില്ല....... എല്ലാ വിഷയത്തിലും നൂറിൽ നൂറ് മാർക്ക് വാങ്ങുന്നത് കൊണ്ട് അവനെ ഞങ്ങൾ വർഗശത്രുവായി പ്രഖ്യാപിച്ചിരുന്നു.......
അടുത്ത ആഴ്ച്ച മുതൽ ഞങ്ങൾ പതിനൊന്നു മണിയാവുമ്പോൾ എഴുനേറ്റ് നിൽക്കാൻ തുടങ്ങി..... പള്ളിയിൽ പോണം...... ചിത്രം കളർ ആകുന്നതിനു വേണ്ടി ഒരു തൊപ്പി കൂടി പിടിപ്പിച്ചു ഞാൻ.........
മുരളി മുസ്ലിം ആകാത്തതിൽ ദുഖിച്ചു...... ,കൃസ്ത്യാനികൾ ആയ കുട്ടികൾ ഞായ്റാഴ്ച്ച ഖുർബാന വെള്ളിയാഴ്ച്ച ആകാത്തത് അന്യായം എന്നു കരുതി...... അജയൻ വെള്ളിയാഴ്ച്ച മാത്രം മുസ്ലിം ആകാൻ ചാൻസ് ഉണ്ടോ എന്നു അന്വേഷിച്ചു...... അതിനു നിൻ്റെ കിടുക്കാ മണിയിൽ ഒരു പണിയുണ്ടന്നു ബഷീർ അറിയിച്ചപ്പോൾ..... സദു മാഷുടെ തല്ല് മതിയെന്നു അജയൻ........
മാവിൻ ചുവട്ടിലും, പാടത്തും ഞങ്ങളുടെ ജുമഅ ആഘോഷം അടിപൊളിയായി നടന്നു..... നേർച്ചയേ തള്ളി പറയരുതന്നും, ആ നേർച്ചയാണ് ഈ ബുദ്ധി തോന്നിച്ചത് എന്നും ബഷീർ....... നേർച്ച ഇടുന്ന പണം തനിക്ക് തന്നാൽ മതി എന്നു ഇനിയും ഇത്തരം എഴുത്തുകൾ എഴുതിതരാം എന്നും ഞങ്ങളുടെ മുതിർന്ന കൂട്ടുകാരനും ഞാൻ മാമയെന്നു വിളിക്കുന്ന പത്താം ക്ലാസ് കാരനായ ഷാജി മാമ.........
അന്നു ഒരു വെള്ളിയാഴ്ച്ചയായിരുന്നു, പതിവ് പോലേ പതിനൊന്നു മണിക്ക് ഞങ്ങൾ എഴുനേറ്റ് നിന്നു..... സദു മാഷ് പതിവില്ലാത്ത ഒരു ചോദ്യം ചോദിച്ചു......
ചൈനയിൽ പോയങ്കിലും അറിവ് നേടണം എന്നു പറഞത് ആര്?
ഞങ്ങൾ ഞെട്ടി ! സദു മാഷ് സാമുഹ്യ പാഠവും എടുത്ത് തുടങ്ങിയോ? ഇനി അതിൻ്റെ തല്ലും......
അപ്പുറത്തേ ക്ലാസ്സിൽ നിന്നും ദാമോദരൻ മാഷും, ചാത്തുണി മാഷും ഉണ്ട്, തൊട്ടപുറത്തേ ക്ലാസ്സിൽ നിന്നു ടീച്ചർമാരും കുട്ടികളും എത്തിനോക്കുന്നു......
ബഷീർ സിലബസിൽ ഇല്ലാത്ത ചോദ്യമെന്നു ക്രമ പ്രശ്നം ഉന്നയിച്ചു........ അതിനു അവനു അപ്പൊ തന്നെ കിട്ടി തല്ല്......
ഞാൻ ,ഇ എം സ് , ഇ ക്കെ നായനാർ തുടങ്ങിയ എനിക്ക് അറിയുന്ന കമ്മ്യുണിസ്റ്റ് നേതാകളുടെ പേര് പറഞ്ഞും..... ചുരലിൻ്റ് മൂളൽ എൻ്റെ പുറത്ത് കൂടി കടന്നു പോയി........
ദാമോദരൻ മാഷുടെ കൈൽ കുട്ടി നസീർക്ക തൂങ്ങികിടക്കുന്നു......
അപകടം ഞാൻ മണത്ത് അറിഞു......
പഠിപ്പിസ്റ്റ് സഗീർ പണി തന്നു ...... ഞങ്ങളുടെ വ്യാജ രേഖ ഉസ്താദിനു ചോർത്തി കൊടുത്തു...... ഉസ്താദ് നാല് പേജ് ഉള്ള കത്ത് സഗീർ വശം തന്നെ മാഷിൻ്റെ കൈൽ എത്തിച്ചു......
പ്രബന്ധ മത്സരത്തിനു ക്ഷണിച്ചത് പോലേയുള്ള ഉമർ ഉസ്താദിൻ്റെ എഴുത്തിലുള്ള പ്രസ്ഥാവനയാണ് ,സദു മാഷിൻ്റെ ചോദ്യമായി മുന്നിൽ വന്നത്.......
വ്യാജരേഖ നിർമാണ കേസിലേ ഒന്നാം പ്രതിയായ ഞാൻ ..... തല്ല് കൊണ്ട് തല പുകഞ് നിൽക്കുമ്പോൾ ഉസ്ദാതിൻ്റെ എഴുത്തിലേ അറബി വായിക്കുക എന്ന ആജ്ഞവന്നു.......
ഞാൻ തപ്പി തടഞ് വായിച്ച് തുടങ്ങി.......
ഇക്ക് റഅ ബിസ്മി റബ്ബിക്ക അല്ലദീ ഹലഖ്.......
അർത്ഥം......?
അറിയല്ല ഉസ്ദാത് അത് പഠിപ്പിച്ചിട്ടില്ല!
അതിനും കിട്ടി എനിക്ക് തല്ല്.......
ഉസ്ദാദ് എഴുതിയ മലയാളം മാഷ് വായിച്ചു.....
വായിക്കുക.... സൃഷ്ടിച്ച നിൻ്റെ നാഥൻ്റെ നാമത്തിൽ.......
വായിക്കുക നിൻ്റെ നാഥൻ അത്യുദാരനാണ്....
പേനകൊണ്ട് പഠിപ്പിച്ചവൻ.....
മനുഷ്യനെ അവൻ അറിയാത്തത് അവൻ പഠിപ്പിച്ചു.....
സംശയമില്ല..... മനുഷ്യൻ അതിക്രമിയായിരിക്കുന്നു........
അവസാനവരി ഒന്നുകൂടി വായിക്കാൻ മാഷ് ആജ്ഞപിച്ചു.......
ഞാൻ ഖണ്ഡമിടറി മെല്ലെ വായിച്ചു.......
സംശയമില്ല മനുഷ്യൻ അതിക്രമിയായിരിക്കുന്നു........
No comments:
Post a Comment